ريم مصطفى: فيلم نقطة تلاقي فهمت منه تاريخ بلدي..وانبسطت بوقوفي على جبل موسى

حلت الفنانة ريم مصطفى  ضيفة على الإعلامية منى الشاذلي في برنامجها معكم منى الشاذلي، وتحدثت خلال وجودها عن فيلمها التسجيلي  نقطة تلاقي، مشيرة إلى أنه من أهم الأعمال بالنسبة لها.

وقالت ريم مصطفى، إن فيلم نقطة تلاقي استفادت منه بشكل شخصي، معلقة: فهمت من الفيلم تاريخ بلدي كلها وقد إيه بلادنا كبيرة، وجبل موسى لما وقفت فيه حسيت بطاقة كبيرة لأن ده المكان اللي كلم  فيه ربنا سيدنا موسى وكان في طاقة حلوة هناك وأنا فخورة بالعمل ده.

ومن جانبها، علقت ريم مصطفى على انتقادات الجمهور لأداء مشاهدها الشهير وإفيه “أنت اللي قتلت ابني يا مجدي” بمسلسل سيد الناس، الذي عرض في موسم دراما رمضان الماضي لعام 2025.

وأوضحت ريم مصطفى خلال لقائها في برنامج معكم، أنها تفاجأت برد فعل الجمهور على المشهد، معلقة: الموضوع مر بمراحل معايا في البداية خضتني ولما شوفته قولت إيه القرف ده، وأنا كان عندي ظرف يومها ومتخيلتش أني أطلع بالمنظر ده وابتديت أقول لنفسي هكتأب ولا أزعل وكنت كل يوم بصحى أقولهم أنا لسه تريند يقولولي أه.. فأروح أنام تاني.

آخر أعمال ريم مصطفى 

مسلسل سيد الناس بطولة الفنان عمرو سعد، إلهام شاهين، ريم مصطفى، أحمد زاهر، أحمد رزق، خالد الصاوي، انجي المقدم، نشوى مصطفى، منة فضالي، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، وعدد من الفنانين الآخرين.

المصدر القاهرة 24